Тослог арьсыг номхруулах “ТОП 4” орцууд

Тослог арьсыг номхруулахад танд эдгээр “ТОП 4” орцууд л хэрэгтэй гэж арьсны эмч нар зөвлөж байна

Хэрвээ та тослог арьстай бол таны арьс гэрэлтэн гялтганаж харагдах эс бөгөөс загалтсан тослог харагдахын ялгаа нь юундаа байдгийг дэндүү сайн мэдэх биз ээ. Энэ хоёр туйлын аль талд нь гарах эсэх нь таны өөрөө өөрийнхөө арьсанд тохирсон арьс арчилгааны бүтээгдэхүүнийг хэрэглэж байна уу, үгүй юү гэдгээс 100% шалтгаална. Гэлээ гээд заавал арав, хорин төрлийн серум, тос, маск хэрэглэх албагүй шүү. Харин ч арьсны эмч нар таныг зөв л орц найрлагаа сонгож чадвал дөрөвхөн төрлийн бүтээгдэхүүн хэрэглэхэд хангалттай гэж байна.

Арьсны нүхнээс хэт их себум/тослог ялгарснаас болж арьс тослогтох бөгөөд үүнийг үүсгэгч цөөн хэдэн хүчин зүйлс бий. Таны амьдарч буй орчин (их бохирдолтой орчин = их тослог), таны стрессийн төвшин (их стрессийн гормон = их тослог), таны гормоны хэлбэлзэл (таны гормоны тэнцвэр алдагдах = их тослог ялгарах) зэрэг нь өдөр тутамд таны арьс хэр их тослогтохыг шийддэг. Түүнчлэн, тослогтоно гэдэг нь батга гарахын цондон гэдгийг тослог арьстай хэн бүхэн мэдэж байгаа байх. Хэт их ялгарсан тослог нүхэн дотроо бөглөрч гарч чадахгүй болохыг батга гэдэг. Бөглөрсөн тослог яваандаа бактери болон арьсны үхэжсэн эд, эстэй холилдож үрэвсэлтэй, идээт батга үүсгэнэ.

Гэхдээ тослог арьстай байх нь заавал муу гэсэн үг биш ээ: Судалгаагаар тослог арьстай хүмүүс нас ахисан ч бага үрчлээ суудаг нь нотлогдсон байна. Арьсны себум өөртөө чөлөөт радикалын эсрэг тэмцдэг Витамин Е-г агуулдаг учраас арьсыг гадаад орчны гэмтлээс хамгаалж чаддаг (танд л гэж хэлэхэд, бусад хүмүүс Витамин Е-ийн бэлдмэлд их мөнгө зарцуулдаг юм шүү). Нэгэнт таны арьс өөрөө их өндөр үнэтэй орцыг ихээр ялгаруулдаг юм чинь би бусад хэрэгтэй орц найрлагуудыг тойруулалгүй нэрлээд явчихъя. Тослог арьсны авралын элч болох “ТОП 4” орцууд бол…

РEТИНОЛ

Ретинолын арьсны нөхөн төлжилтийг түргэсгэх чадвар (арьсны хуучин үхэжсэн эд эсийг зайлуулж, шинэхэн эд, эсүүдийг арьсны гадаргууд гаргаж ирнэ гэсэн үг) бол жинхэнэ тослог арьсны авралын элч юм. Арьсны нүхийг голцуу арьсны үхэжсэн эд, эсүүд эзэлж бөглөдөг учир батга гарамтгай арьсны нөхөн төлжих явцыг түргэсгэснээр бөглөрсөн арьсны нүхийг нээх боломжтой юм. Ийм учраас, арьсны эмч нар үргэлж Retin-A эсвэл бусад төрлийн Витамин А-ийн (Ретинол гэдэг нь Витамин А-ийн нэг төрөл юм) эмийн жор бичиж өгдөг байх нь ээ!

93.7%-ийн витамины комплекстэй, ретинол болон витамин Е-ээр үрчлээсийг эрчимтэй тэнийлгэж, нөсөө толбыг арилгана

Өндөр тунт, бүүстер-серум нь өдөр тутамд хөгшрөлтийн эсрэг хэрэглэж болох шингэн витамин л гэсэн үг.

Ретинол, аденозин, дамаск сарнайн тос зэргийг агуулсан хөгшрөлтийг удаашруулах, гүн чийгшүүлэх тос

 

 

 

 

 

 

 

 

САЛИЦИЛЫН ХҮЧИЛ

Арьс арчилгаанд ашиглагддаг бүх төрлийн хүчлүүдээс үрэвслийн эсрэг үйлчилгээтэй салицилын хүчил л тослог арьсны батгыг дарангуйлагч хамгийн сайн найз чинь юм. Салицилын хүчил үхэжсэн эд эсийг задалдаг учир тослог арьсанд нэн тохиромжтой.

Салицилын хүчил болон гиалуроны хүчлийн нэгдэлтэй учир үхэжсэн арьсны эсийг уусгаж, хар батгыг багасгахын сацуу чийгшүүлнэ.

AHA + BHA + PHA Арьсны pH орчинг тэнцвэржүүлж, зөөлөн гуужуулж, чийгшүүлэх үйлчилгээтэй тонер пад

 

 

 

 

 

 

 

 

 

ГИАЛУРОНЫ ХҮЧИЛ

Тослог арьстай учраас арьсаа чийгшүүлэх шаардлагагүй гэсэн түгээмэл буруу ойлголт бүсгүйчүүдийн дунд их бий. Та хэт хүчтэй цэвэрлэгчээр нүүрээ угааснаас болж, эсвэл хуурай уур амьсгалаас болж арьс чийгээ алдахад, алдсан чийгээ нөхөж тэрхүү хуурайшсан мэдрэмжийг намдаахын тулд арьс илүү их тослог ялгаруулж хариу үйлдэл үзүүлдэг.

Гиалуроны хүчилтэй хөнгөн бүтэцтэй тонер арьсыг дээд зэргээр чийгшүүлэх бөгөөд наалдамхай мэдрэмж төрүүлэхгүй.

40% гиалуроны хүчил, 1% витамин Б5-тай гүн чийгшүүлэх серум тослог хэрнээ хуурайшдаг хүмүүст нэн тохиромжтой

 

 

 

 

 

 

 

 

НИАЦИНАМИД

Чийгшүүлэгч гэснээс, та шошгон дээрээ Niacinamide гэж бичсэн бүтээгдэхүүнийг арьс арчилгаандаа оруулаарай. Энэхүү найрлага нь (өөрөөр Витамин B3 гэж нэрлэдэг) үрэвслийг намдааж, эрүүл коллагений үйлдвэрлэлийг эрчимжүүлдэг учраас бүх төрлийн арьсыг тайвшруулдаг супер орц юм.

Исгэсэн будаа, витамин Б5, ниацинамидтай серум нь арьсыг чийгшүүлж, өнгийг сэргээж, тослогийг тэнцвэржүүлнэ.