Өсвөр насны арьс арчилгааг хэрхэн хийх вэ?

Ихэнхий хүмүүс өсвөр насанд хүрээд арьсныхаа анхны асуудалтайгаа тулгардч эхэлдэг ба тэр үеэс эхлэн арьсаа арчилж эхэлсэн байдаг. Тэгвэл чухам энэ үед нь л хүүхдүүдэд зөв мэдлэг олгож, чиглүүлж, арьсаа хэрхэн арчлах талаар ойлгуулж өгөхгүй бол өсвөрийнхөн маань арьснаасаа болж стрессдэн дур мэдэн арчлах гэж оролдооод арьсаа хүн аймаар болгодог гэдэг нь нууц биш ээ. Өсвөрийнхөнд түгээмэл тохиолддог арьсны асуудал нь батгаших, тослогтох, хуурайших, эмзэгшиж улайх зэрэг юм.

Ингээд өсвөр насныханд тохирсон арьс арчилгааг хамтдаа цогцлооцгооё.

ЦЭВЭРЛЭГЭЭ

Арьс арчилгааны суурь алхам. Энэ алхмыг 100% зөв хийж байж дараа дараагийн алхмуудын үр дүнг бүрэн харах боломжтой.

  • Эмэгтэй - Нүүрээ будсан бол орой нь заавал угааж хэвшье. Охидууд маань орой ядарсан үедээ будагтайгаа унтах эсвэл завгүй үедээ залхуураад хаях гээд байдаг. Нүүрний будаг арилгагчаар нүүрээ цэвэрлэж, зөөлөн нүүр цэвэрлэгчээр нүүрний бохирдлоо арилгаж нэг удаад хоёр алхамт цэвэрлэгээ хийж байгаарай. Ингэснээр нүүрний будаг арьсны нүхийг бөглөж маргааш нь батга гарах, арьсыг хуурайшуулахаас сэргийлнэ.
  • Эрэгтэй / Эмэгтэй - Өдөрт хоёр удаа өглөө, оройдоо нүүрээ заавал угааж хэвшье. Ингэхдээ зөвхөн усаар зайлаад орхихгүй зөөлөн нүүрний цэвэрлэгчээр угаая. Өглөөдөө нүүрээ цэвэрлэснээр шөнийн турш хуримтлагдсан тос, хөлс, бохирдлыг арилгана. Оройдоо нүүрээ цэвэрлэснээр өдрийн турш хуримтлагдсан бохирдлыг мөн цэвэрлэх учир тослогжилт, батга багасна.

Анхаар! Батга нь үхэжсэн арьсны эс, илүүдэл тос, бактериас болж үүсдэг учир скрабаар үрээд, гуужуулаад, өдөрт хэд дахин угаасан ч арилахгүй.

Анхаар! Батгыг хатааж байна гээд спирт, лимон, хүнсний содоор арчих, чийгшүүлэгч тос түрхэхгүй явах нь батгыг хүндрүүлэхээс өөр нэмэргүй учир зориулалтын бус элдэв бүтээгдэхүүнийг арьсандаа хүргэхгүй байцгаая.