Sleeping Mask буюу унтлагын маск гэж юу вэ?

Sleeping Mask нь Барууны соёлоос К-бьюти буюу солонгосын арьс арчилгаанд хүч түрэн орж  ирсэн бүтээгдэхүүн юм. Dr. Lorstcher -ын тайлбарлсанаар бол унтлагын маск  нь зөвхөн шөнө унтаж байх явцдаа түрхэх зориулалттай бөгөөд арьсанд шаардлагатай бүх л чийг тэжээлээр шөнийн турш арьсыг хангах үйлчилгээтэй байдаг.  Унтлагын маскны найрлагад багтах орц найрлагууд нь маш зөөлөн учраас арьсанд ямар нэгэн хор нөлөө үгүй.

Шөнийн арьс арчилгааныхаа  хамгийн сүүлд хэрэглэнэ. Унтлагын маскууд нь сэрум, чийгшүүлэх тос ойл зэрэг бүтээгдэхүүнүүдийг арьсанд түгжих буюу  илүү сайн шингээх зориулалттай бүтээгдэхүүн юм. Хэрэв та хуурай арьстай бол арган ойл (argan oil), лаванда, церамидын найрлагатай  маск сонгоорой. Маш сайн чийгшүүлж уян зөөлөн болгодог байна.

Хэрэв таны арьс маш тослог, батга гарамтгий бол, хуурайшуулах бүтээгдэхүүн  хэрэглэх нь тийм ч таатай бус, харин ч эсрэгээр нь хөнгөн бага чийгшүүлэгчтэй унтлагын маск хэрэглээрэй. Гиалуроны хүчилтэй унтлагын маск нь арьсны нүх сүвийг битүүлэлгүйгээр арьсыг чийгшилээр хангаж, батга гарахаас сэргийлнэ. Харин ретинол, витамин А -тай унтлагын маск нь хөгшрөлт явагдаж эхэлсэн арьсанд илүү тохиромжтой ба эдгээр найрлагууд нь арьсны байдлыг сэргээж уян хатан чанарыг нэмэгдүүлдэг.   Унтлагын маскыг 7 хоногт 2-3 удаа хэрэглэхэд тохиромжтой ба арьсанд тань нийцтэй байх тохиолдолд шөнийн тосны оронд өдөр бүр хэрэглэсэн ч болно гэж мэргэжилтнүүд зөвлөж байна.

BS Tips:

Уг тайвшруулах үйлчилгээтэй сүү ба лаванда цэцгийн холимог бүхий шөнийн маск нь завгүй амьдралын хэмнэлтэй буюу өдрийн турш завгүй стресстэж, шөнө нь бага унтаж, амарч чаддаггүй хүмүүст зориулагдсан маск юм. Цэцгийн гайхалтай сайхан үнэр нь таныг шөнийн турш бөх нойрсоход тусалж, сүүний уураг ба салицилийн хүчил нь арьсыг зөөлөн гуужуулж, өглөө сэрэхэд арьс тань зөөлөн нялх хүүхдийнх шиг л болсон байна.

When® Berry Dual Gel & Cream Mask нь гель болон тосон гэсэн хосолмол бүтэцтэй  бөгөөд унтаж бах үед арьсыг чийгшүүлэх, тэжээлээр хангах үйлчилгээтэйгээс гадна исэлдэхээс сэргийлнэ. Гель нь антиоксидантын эсрэг сүпер үйлчилгээ бүхий ойн жимснүүд болон Цагаан уул цэцгийн үндэс агуулдаг бол тос нь аденозин болон ши тосыг ( shea butter) агуулдаг.


Нийтлэлээр санал болгосон бүтээгдэхүүнүүд