Арьс арчилгааны 1 дэх шат буюу Цэвэрлэгээний шат нь арьсны гадаргууд хуримтлагдсан бохирдол, бүтээгдэхүүний үлдэгдэл, гуужиж үхэжсэн арьсыг цэвэрлэх зорилготой. Хэчнээн сайн, үнэтэй бүтээгдэхүүн хэрэглэсэн ч цэвэрлэгээ дутуу хийгдвэл үр дүнгүй учраас арьс арчилгааны хамгийн чухал, суурь шат гэж болно. Тосон болон усан цэвэрлэгч, балм, гелэн хөөсөн зэрэг бүх төрлийн угаагч энэ шатанд багтдаг.

TIPs:

• Усан цэвэрлэгч болон цэвэрлэгч салфеткаар нүүрний будаг, бохирдлоо арилгасны дараа нь хөөсөн цэвэрлэгчээр нүүрээ угаана.
• Тосон цэвэрлэгч эсвэл балм нь нүүр будгийн үлдэгдлийг гаргууд цэвэрлэдэг тул нүүрээ будсан үедээ эсвэл оройн арьс арчилгаанд хэрэглэхэд тохиромжтой. 2020 онд тренд болсон SKIN GRITTING буюу тосон цэвэрлэгч ашиглан хар батгыг цэвэрлэх аргын тухай энд дарж уншина уу.
• Тосон цэвэрлэгчээр нүүрээ угаасны дараа өөрт тохирох хөөсөн цэвэрлэгчээр нүүрээ угаана. Үлдэгдэл хөөсийг сайтар зайлж арилгах нь дараагийн шатанд тонер, эссенц шингэхгүй хөөсрөхөөс сэргийлнэ.
• Өглөөний хүний арьснаас тослог ялгарсан байдаг тул заавал цэвэрлэх шаардлагатай. Гэхдээ давхар цэвэрлэгээ, хүчтэй хөөснөөс илүү сүүн шингэн эсвэл усан цэвэрлэгч ашиглах нь тохиромжтой.