АРЧЛАХ
Арьс арчилгааны 2 дахь шат буюу Арчилгааны шат нь арьсыг бүрэн цэвэрлэсний дараа чийгийг нөхөх, арьсны асуудлуудад хандсан үйлчилгээг үзүүлэх, дараагийн шатанд арьсыг бэлтгэх үүрэгтэй. Бүх төрлийн гуужуулагч, тонер, эссенц, угаадаг болон салфеткан маск, серум, ампул зэрэг багтдаг.
TIPs:
- Гуужуулагч маск эсвэл маскыг арьсны төрлөөс хамаарч 7 хоногт 2-3 удаа хийх, идэвхтэй орцтой бүтээгдэхүүнтэй хамт хэрэглэхгүй байх, араас нь сайтар чийгшүүлэх нь арьс эмзэгшиж гэмтэхээс сэргийлнэ.
- Угаадаг болон шавар маскыг мөн адил тонерын өмнө хэрэглэнэ.
- Тонер нь арьсыг дараа дараагийн идэвхтэй арчилгаанд бэлтгэж, арьсанд бүрэн шингэх боломжийг бүрдүүлдэг учраас хэзээ ч битгий алгасаарай.
- Серум болон ампуль нь арьсанд тулгарч буй асуудлууд (үрчлээ, нөсөө толбо, нүхжилт гэх мэт)-д илүү чиглэсэн байдаг. Хангалтай чийгшүүлж бэлтгэсэн арьсан дээр түрхвэл илүү үр дүнтэй.
- Гуужуулах, цэвэрлэхээс бусад салфеткан маскыг серум, ампулын дараа зааврын дагуу хэрэглэнэ. Минутыг нь хэтрүүлэхгүй байх нь таныг арьс эргэн чийгээ алдахаас сэргийлнэ.
- Бүтээгдэхүүн бүрийн хооронд 2-5 минут хүлээж түрхээрэй.
